LAOAG CITY – Limitaran ti Pentagon ti garaw dagiti journalists iti uneg ti opisina da, kangrunaan na kadagiti secured facilities.
Daytoy ket kalpasan ti naireport a nagsasaruno pannakaiparuk-at dagiti leak informations.
Iti maysa a post online, inrakurak ni US Defense Secretary Pete Hegseth a saan dan a palubusan a maaddaan ti access dagiti journalist partikular iti secure facility da.
Inpalagip ti Pentagon kadagiti journalist a kasapulan nga agtungpal da kadagiti pagannurutan ti opisina da kangrunaan na iti panangiparuk-at kadagiti saan nga otorisado nga impormasyon.
Inpetteng ni Sec. Pete Hegseth a ti Pentagon ket patpatarayen dagiti tattao nga agtrabtrabaho iti daytoy ken saan a ti media, isut gapuna a masapol a sumurot iti maipatpatungpal a pagannurutan.
Iti baet dagiti maipatpatungpal a baro a restrictions agtalinaed met ti Department of War a committed iti transparency tapno agtalinaed ti panagtalek ti publiko ngem kasapulan a dagiti impormasyon nga iparuk-at iti publiko ket opisyal nga otorisado.
