LAOAG CITY – Makweskwestyunaran ti medical certificate ti Mr. Froilan Suniga, ti nangireklamo ken ni Dumalneg Vice Mayor Francis Espiritu a maipagarop a nangdangran kenkuana.
Daytoy ket bayat ti panangdenggeg ti Sangguniang Panlalawigan kadagiti tallo a testigo ti kaso adminsitratibo a naipila kontra ken ni Espiritu.
Immuna a dimmatag ni Dr. Randy Colomo iti Governor Roque Ablan Senior Memorial Hospital (GRASMH) ditoy siudad ti Laoag, ti nangiyusyu ti Medical Certificate ti complainant a ni Suniga idi Abril 30 itay napan a tawen.
Naamoan nga adda ti immuna a medical certificate a naited ken ni Suniga ngem awan ti perma nu pay inbatad ni Dr. Coloma a maysa laeng ti pinermaan na.
Iti pinermaan a medical certificate ni Dr. Coloma, nakumpirmaran nga adda ti sinagaba a contusion wenno lamma iti ulo ni Suniga ken adda ti gasgas iti tumeng na.
Gapu iti daytoy, kalikagum a mapaayaban ti nangaramid ti medical certificate ni Suniga iti GRASMH gapu iti maysa a medical certificate nga awanan ti perma ngem adda nu di ket adda ti nakaipan a “for amicable settlement purposes.”
Kabayatanna, naduktalan a positibo ti complainant iti alcohol breath test idi nagpamedical.
Simmaruno met a dimmatag ni Mr. Balario Gamiao, ti nangkadwa ken ni Suniga a napan nagpablotter kalpasan ti maipagarup a panagdangran.
Karaman pay a dimmatag ni Brgy. Kagawad Eric Cascayan iti Brgy. San Isidro iti ili Dumalneg, ikit ni Suniga.
Kabayatannan, manamnama a maituloy ti sumaruno a panagdenggeg kadagiti testigo iti partido ti bise mayor Espiritu intuno Marso 29.
