LAOAG CITY – Nakasaganan a mausar dagiti medical equipment a kiniddaw ti 1st District Congressional Office iti Department of Health para iti Laoag City General Hospital.
Dagitoy ket ti Stationary X-Ray 500 nga addaan ti Fluoroscopy nga agbalor ti 7,495,555, 3D Endoscopy nga agbalor ti 9,488,888.
Naammoan a dagiti nasao a ramit ket kiniddaw ti nasao nga opisina iti Department of Health babaen ti Health Facility Enhancement Program.
Ti nasao a programa ket nadisenio nga isu ti pagkiddawan dagiti Congressman ditoy pagilian kadagiti kalikagumda para iti distritoda.
Mai-deliver inton sumaruno a lawas ti maysa nga unit ti dialysis center iti nasao nga ospital.
Kabayatanna, apresiaren ti opisina ti Congressman ti resolusion nga inpasa ni Liga ng mga Barangay President Rbee Ablan a nagyaman iti daytoy a tulong ti diputado babaen ti Department of Health.
