LAOAG CITY – Nagballaag ti maysa nga ekonomista maipanggep iti “medical inflation” a resulta ti nakaro a panagngato ti presyo dagiti produkto a petrolyo gapu iti mapaspasamak a tension iti Middle East.
Segun ken ni Professor Emmanuel Leyco, ti epekto ti gubat iti Middle East ket mabalin a marikna iti kabiitan a panawen kabayatan a ngumatngato ti presyo dagiti medical equipment ken serbisyo.
Inlawlawag ni Professor Emmanuel Leyco a dagiti medical equipment like kas ti syringes, surgical equipment, oxygen masks, ken gloves ket maus-usar ti langis kadagiti raw materials.
Innayon na a dagiti nasao nga items ket masansan nga aggapo iti sabali a pagilan isut gapuna a namnamaen ti panagngato ti logistics costs.
Mainaig iti daytoy, inbatad ti Department of Health (DOH) nga ikarkarigatan da a palag-anen ti epekto ti gubat iti Middle East kadagiti medical services ken suplay ti agas.
