LAOAG CITY – Maiwayat ti Medical Mission iti Brgy. Maan-anteng iti ili ti Solsona intono bigat, Hunyo 28, 2024.
Daytoy ti inpakaammo ni Mr. Christian Tiu, ti Training and Community Extension Officer ti Ilocos Norte Youth Development Office.
Inbatad na a karaman kadagiti maiyuswat ket ti serbisyo medikal, dental ken operation tuli wenno panagkugit nga addan ti 35 nga ubbing a nakasagana a makugit.
Iti agdama, saan pay a masinunuo ni Tiu nu mano ti bilang dagiti agbalin a benepisyaryo iti nasao nga aktibidad ngem inrakurak na a ti medical mission ket para iti amin a residente ditoy probinsiya.
Inlawlawag na a napili da iti Brgy Maan-anteng iti ili ti Solsona gapo ta maysa kadagiti nasulinek a lugar ken narigat a ma-acces iti medikal assisstance.
Ti medical mission a pagkikinnamayetan ti Gobierno probinsyal, Local Government Unit iti ili ti Solsona, Philippine Red Cross – Ilocos Norte Chapter, Provincial Health Office ken ti Ilocos Norte Youth Development Office ket mangrugi iti oras ti alas-otso intono bigat.
