LAOAG CITY – Agngudo ti panagkampaya dagiti kandidato ita nga aldaw, Mayo 7.
Dua kadagiti kapigsaan nga aglaban iti presidential position ti 2022 elections a ni vice president Leni Robredo kenni dati a senador Ferdinand “Bongbong” Marcos ti mangiysuwat ti meeting de avance iti National Capital Region, ti sentro a rehiyon ditoy pagilian.
Iyuswat ni presidential bet Marcos Jr., ken ti running mate na a ni vice presidential bet Davao Mayor Sara Duterte pakairamanan dagiti kadua da a Senate bets wenno ti de facto administration slate ti pinal a miting de avance iti Parañaque City, sango ti Solaire posh resort and casino.
Mainaig iti daytoy, ti miting de avamce ti opposition slate nga idaduloan ni Vice President Leni Robredo kadua na ti running mate na a ni vice presidential bet Senator Kiko Pangilinan pakairamanan ti bukod da a Senate bets ket maiyuswat iti Ayala Avenue corner Makati Avenue iti Makati City, ti financial center ti pagilian.
Kabayatanna, ni Senator Manny Pacquiao nga isu ti maikatlo iti kaudian a Pulse Asia voter preference survey ket iti General Santos City a maiyuswat ti pinal a campaign rally na idinto a ni Manila Mayor Isko Moreno, ket maiyuswat ti miting de avance na it Moriones, Tondo.
Maipalagip a ditoy pagilian, ti meeting de avance ket traditional a paset ti pinal nga aktibidad para ti panagkampanya dagiti agpaidasig iti local ken national position.
