LAOAG CITY – Natiliw ti maysa a mekaniko iti drug buy bust operation nga inwayat iti nagtipon a pwersa ti PNP Laoag, PDEU, PNP Sarrat ken PNP Dingras iti Brgy. 14 ditoy ciudad ti Laoag.
Nabigbig daytoy a ni Ding Burgos, 35, mekaniko iti maysa a pagtagilakoan ti motorsiklo iti ili a Dingras ken residente iti Brgy. 21 iti ili a Sarrat.
Natiliw ni Burgos kalpasan a nagatang kenkuana ti maysa a sachet ti maatap a shabu nga agbalor ti sangaribo a pisos babaen ti maysa a police poseur buyer.
Malaksid iti dayta, nakumpiskar pay manipod kenkuana ti 12 a sachet iti maatap a shabu.
Naiget a naglikudan met ti suspek dagiti naala nga ilegal a droga kenkuana.
Inlawlawag ni Burgos a sinada dagiti otoridad isuna ken pinaedda da daytoy.
Kabayatanna, kinumpirmaran ni P/Chief Master Sgt Harold Nicholas, mangidadaulo ti PDEU a karaman ti suspek iti High Value Priority Watchlist.
Naamoan nga adda iti dati a kaso ni Burgos a carnapping idi 2009.
