LAOAG CITY – Inbutaktak ni Phenomenal Box-Office Star na si Vice Ganda a maysa ni Zoren Legaspi kadagiti lallaki a nangpakaro ti kinabaklana.
Iti episode ti “Gandang Gabi Vice”, pinagtripan ni Meme Vice ti asawa ni Carmina Villarroel.
Nagbalin a family night ti nasao nga episode ti GGV gapu ta nakadwa pay ni Vice ti kambal nga anak da Zoren ken Carmina a ni Mavy ken Cassy.
Iti maysa a segment ti show naipakita dagiti pictures ni Vice ken maysa kadagitoy ket ti edited photo ni Zoren kas Drag Queen.
Ditoy nga inadmitir ni Vice a kursonadana idi ni Zoren a rason a kimmaro ti kinabakla daytoy.
