LAOAG CITY – Maiparuk-at kadagiti sumarsaruno nga aldaw ti memorandum mainaig iti lifestyle check ti sumagmamano nga opisyal ti gobyerno.
Daytoy ti inbatad ni Presidential Communications Office Undersecretary ken Palace Press Officer Claire Castro iti press briefing kalpasan a nasaludsud kenkuana ti update mainaig iti nagbalin a direktiba ni Presidente Ferdinand Marcos Jr., nga ipadalan iti lifestyle checks ti amin nga opisyal ti gobyerno.
Maipalagip nga inbilin ni Presidente Marcos ti lifestyle check iti amin nga opisyal ti gobyerno iti baet ti kontrobersiyal a flood control projects iti nagduduma a paset ti pagilian.
Naamoan a dagiti masakupan nga ahensya ti gobierno ti mangiyuswat ti lifestyle checks iti amin a maipanggep iti flood control projects gapu ta ipaayan da dagitoy ti naan-anay a panagtalek.
