LAOAG CITY – Makipinnirma ti gobierno iti ciudad ti Laoag iti maysa a Memorandum of Agreement (MOA) iti Jeepney Driver Operator Association ditoy ciudad.
Daytoy ket tapno adda ti pagluganan dagiti umili iti panagturong da kadagiti border control ditoy ciudad.
Basar iti MoA, adda laeng ti 16 a Modern Public Utility Jeepney a madutukan nga agitulnog kadagiti border control ditoy ciudad ken makaawat ti kada driver ti 500 a pisos iti kada aldaw.
Malaksid iti daytoy, no aglabes iti alas-singko agingga iti alas-otso ti panagpasada dagiti nasao a jeep ket manayunan ti maawat da iti 200 a pisos.
Naamoan a dagiti mapili a jeep ket isuda dagiti umuna a makaisumitir kadagiti kasapulan a dokumento ken agoperar da laeng kabayatan nga adda iti babaen ti Enhanced Community Quarantine (ECQ) ditoy ciudad ti Laoag.
