LAOAG CITY – Agpinnirma ti Memorandum of Agreement wennu MOA ti LGU-Pagudpud ken gobierno probinsyal para iti konstruksyon ken operasyon ti animal shelter iti ili ti Pagudpud.
Segun kenni ABC Federated President Elmer Faylogna, babaen iti mapirmaan a katulagan ket matulungan dagiti residente nga addaan ti taraken nga awan ti pangikabilanna no adda ti sumangbay a kalamidad.
Inbatadna a napintas no marugyan iti kabiitan a panawen ti pannakaipatakder ti animal shelter tapno adda ti nakasagana a pagikabilan kadagiti taraken nga ayup nangruna ket saan a mapakpakadaan ti sumangbay a didigra.
Kunana a dakkel ti maitulong ti animal shelter para kadagiti umili tapno maisalakan dagitoy no adda ti mapasamak a layos ken nu panawen ti tudtudo.
Inlawlawag na a maipatakder ti animal shelter iti lote iti Brgy. Balaoi nga indonar ti lokal ti gobyerno iti ili ti Pagudpud.
Innayunna a gapo ta nakita da a dakkel ti maitulong ti animal shelter ket indeklarar a valid ti junta probinsyal.
