LAOAG CITY – Temporario a nai-lift ti maysa a memorandum ti Ilocos Norte Water District mainaig iti pannakaipawil ti panagusar ti fire hydrant para iti Palarong Pambansa 2025.
Segun ken ni Mr. John Teodoro, General Manager ti Ilocos Norte Water District, adda ti dati a memorandum-da a mangibagbaga ti pannakaipawil ti Bureau of Fire Protection nga usaren ti fire hydrant iti sabali a wagas malaksid laeng no adda ti uram a napasamak.
Nupay kasta, inlawlawagna a gapu iti pannakaisayangkat ti Palarong Pambansa ket temporarioda pay laeng daytoy nga in-lift.
Gapu iti daytoy, inpasingkedna a mabalinen a mausar iti sadinoman a fire hydrant babaen ti Bureau of Fire Protection.
Mainaig iti daytoy, inpakaammona nga adda ti kopya nga intedda iti Bureau of Fire Protection a location maps a pakasarakan dagiti serviceable fire hydrant.
Innayonna a nakasaganada ti aniaman nga emerhensia a sumangbay no sadinno adda ti nakasaganan a tallo a water truck a mangi-deliver ti danum.
