LAOAG CITY – Nasentensyaan a mabalud ti pito a tawen ti agtawen ti 15 a lalaki gapu iti panangpaltog na ken ni Senador Miguel Uribe Turbay.
Napasamak ti krimen kabayatan ti panagkampanya ni Turbay idi Hunyo ita a tawen para iti panagpaidasig na a presidente iti pagilian.
Nagsagaba ti tallo a tama ti bala ti paltog ti agtawen ti 39 a Senador no sadinno a dua ti timmawag iti ulo na isut gapuna a dimmalan iti sumagmamano nga operasyon.
Nupay kasta, pimmusay ti opisyal idi Agosto 11 ita a tawen.
Ti menor de edad ket napilaan ti kaso nga attempted murder ken illegal a panagikot ti paltog.
