LAOAG CITY – Natay ti agtawen ti 15 a lalaki kalpasan ti napasamak a  desgrasya iti Brgy. 6 Parut, Vintar, Ilocos Norte.
Segun kenni Police Major Arnel Tabaog, ti chief of police ti PNP-Vintar, ti biktima ket nakalugan iti kurong-kurong nga inturong ti agtawen ti 14 a lalaki ken residente da iti Brgy 3 San Pedro iti nasao nga ili.
Inbatad ni Tabaog nga iti inisyal nga imbestigasyon da ket agpaabagatan a direksyon iti Barangay 6 ket nadungpar da ti dakkel a bato rason a naipisok iti kanal.
Gapo iti daytoy, ti agtawen ti 15 a biktima ket naipurwak ken rumrumwar a naitupa ti ulo na idinto a saan a naan-ano ti driver nga agtawen ti 14.
Naitaray iti ospital ti biktima ngem naideklara a dead on arrival.
