LAOAG CITY – Nagtalinaed a kritikal ti maysa a menor de edad kalpasan a nadungpar ti maysa a van ti inturong na a tricycle iti Balacad-Paoay Road bisinidad iti Brgy. Mumulaan iti ili ti Paoay.
Segun ken ni Police Major Eddie Suyat, ti chief of police iti ili ti Paoay, nagpatulnog ti ama ti biktima iti balay ti kumpadre na nga agkasangay.
Inbaga na nga iti panagawid ti menor de edad ket ditoy a napasamak ti insidente.
Basar iti imbestigasyon ti PNP-Paoay, agpapa-amyanan a direksyon ti biktima ken idi madanun na ti agkurba a paset ti kalsada ket ditoy a nakadinnungpar na ti van a nagderderetso met nga agpaabagatan a direksyon.
Nupay kasta, inbaga ni Suyat a nakapagsaritan ti pamilya ti biktima ket ti nangiturong ti van.
Inkari ti nangiturong ti van a tumulong iti magastos ti menor de edad kabayatan ti kaadda na it ospital.
