LAOAG CITY – Inadmitir ti suspek nga agtawen ti 16 nga aglaklako ken agus-usar iti maipawil a marijuana.
Daytoy ket kalpasan a natiliw babaen iti buy bust operation nga inyuswat dagiti kameng ti Provincial Drug Enforcement Unit ken Regional Drug Enforcement Unit iti Brgy. 6 Tonoton, iti ili ti Piddig, no sadinno a narekobre dagiti dua a supot a naglaon ti maipagarup a napagango a bulong ti marijuana.
Kuna na a ti pagal-alaan na ket iti barkada na ngem saan na nga ammo iti residensya daytoy.
Segun iti menor de edad, agmaymaysa iti panagtignay na para iti iligal nga aktibidad daytoy.
Umabot iti 31.6 grams ti kadagsen dagiti nakumpiskar ken agbalur iti 9,792 a pisos.
Ti menor de edad ket datin a natiliw gapo iti Robbery.
Kabayatanna, kinumpirmaran ni Police Lt. Tolentino Erum, hepe ti PNP Piddig a ti suspek iti drug buy bust operation ket suspek iti panagtakaw ti motorsiklo itay napan a tawen 2020.
Kuna na a ti nasao a suspek ket isu ti menor de edad a naipan iti Bahay Pag-asa ditoy siudad ti Laoag.
Segun kenni Erum, ipila da dagiti dukomento iti piskalya, ken ireport da ti iti DSWD para iti umiso a disposisyon ti maseknan.
Inbatad ni Erum a ti piskalya ti agdesisyon no sadinno iti pakaipanan ti menor de edad.
Innayon na nga aggigiyan ti menor de edad kadagiti lolo ken lola na gapu ta dagiti nagannak kenkuana nga nagsina dan.
