LAOAG CITY – Inlawlawag ni Atty. Arnedo Valera idiay Washington D.C nga adda ti posibilidad na a mapilaan ti kaso kriminal dagiti nagannak ti agtawen ti 15 a suspek iti pammaltog idiay Michigan a nakatayan dagiti uppat nga indibidual.
Segun kenni Valera, kwestyunable no apay a saan nga insecure dagiti nagannak kenkuana ti paltog a ginatang ti ama na kabayatan ti Balack Friday.
Inpakammo na nga iti babaen ti Michigan Law, maiparit kadagiti menor de edad ti agikot ti paltog.
Inbatad pay ni Atty. Valera nga adda ti inpresentar ti Sherrif a video no sadinno a sakbay ti insidente ket adda ti pangta ti suspek a rumaot iti pagadalan ken agpalto-paltog.
Ti suspek ket napilaanen ti kaso a 1 count of terorrism; 4 counts of first degree murder; 7 counts of assault with intent to murder ken 12 counts of Posession of Firearms.
Iti agdama ket agtultuloy pay laeng ti imbestigasyon mainaig iti daytoy.
