LAOAG CITY – Dead on Arrival ti agtawen ti 5 nga ubing kalpasan a nalmes iti panagdidigos da iti Labugaong Dam iti Bgry. Maan-anteng iti ili ti Solsona.
Binigbig ni Police Insp. Ralph Dayag, deputy cihef of police ti PNP Solsona ti biktima a ni Jani Raine Longboy.
Segun kenni Dayag, nagpipicnic ti pamilya ti biktima iti nasao a dam ket dita a nagdidigos dagiti da kadua na ti pada nga ubbing.
Kuna na a saan a naripar dagiti nagganak ti biktima a nakadanunen iti nauneg a paset iti nasao a pagdidigosan.
Inbatad ni Dayag a nakita ti maysa a miembro ti pamilya na ti biktima.
Intaray ni Joel Longboy, ama ti biktima, iti Rural Health Center ti Solsona ngem ti inayakar da iti Dingras District Hospital ngem naideklara metten a dead on arrival.
