LAOAG CITY – Natiliw ti maysa a menor de edad babaen ti naiwayat a drug bust operation iti Brgy 3 ditoy siudad ti Laoag.
Nabigbig laeng ti suspek nagan na nga Alvin, dati a drug surenderer, adda iti drug watchlist ken residente ti nasao a barangay.
Basar iti impormasyon, naglako ti menor de edad ti maysa a bassit a sachet a naglaon ti maipagarup a shabu iti pulis a nagpammarang a gumatang ti illegal a druga.
Ngem iti pannakiuman ti Bombo Radyo Laoag kenkuana, naglikodan na a kukua na ti maipagarup a shabu ngem ketdi inbulsa laeng kenkuana dagiti pulis.
Malaksid iti shabu, nakumpiskar pay dagiti otoridad ti dua nga heat sealed small sachet a naglaon ti maipagarup a shabu, marked money a P500 bill, three hundred fifty one (P351.00) pesos ken maysa a disposable lighter nga addaan ti marka.
