LAOAG CITY – Nagkamang iti Bombo Radyo ti maysa nga ubing a nailemmeng iti nagan na a “Vin” nga agtawen ti 13 ken residente iti Brgy. Zamboanga ditoy siudad ti Laoag.
Daytoy ket kalpasan ti maipagarup a panagdanog dagiti kabsat na ken tinalawa da ditoy Brgy. 48A Cabungaan, Laoag City.
Basar ti palawag ti ubing, rimwar da iti pagtaengan da kadua na ti kabsat na a ni Joel Samuy Jr. a naglugan ti kurong-kurong idi ta nakadanum da iti sirkolo iti nasao a barangay ket inbaba da daytoy.
Rumrumwar nga idi naibaba da ti ubing ken napan iti tengnga ti kalsada ti ubing ket napan dinanun ni Samuy ken dinanog na ti ulo ti ading na.
Naamuan ti Bombo Radyo a nagpaamianan a direksiyon ti kurong-kurong nga inturong ni Samuy kalpasan a dinanug na ti ading na.
Insegida met nga intulnog ti Bombo Radyo ti ubing iti pagtaengan da iti Brgy. Zamboanga ditoy siudad ti Laoag.
Kabayatanna, kuna ni Mrs. Ginalyn Ganal, ina ti biktima a saan a damo iti napasamak ken maipagarup nga adda ti kinabil na a kabsat na partikular dagiti babbalasang a kabsat na.
Nagkamang met ti nasao nga ina iti PNP Laoag ken manamnama iti panagsasarita da.
