LAOAG CITY – Inanunsio ti Austria ti panangipawil ti panagusar ti social media kadagiti menor de edad nga agtawen ti 14 agpababa.
Inbatad ni Vice Chancellor Andreas Babler ti Social Democrats, saanen a kabaelan pay ti gobiernoda ti negatibo nga epekto ti social media kadagiti agtutubo iti pagilianda.
Inlawlawagna a responsibilidad dagiti pulitiko nga ipangpangruna ti pagsayaatan dagiti ubbing.
Maibilang daytoy a maysa a klase ti adiksion kas iti alcohol ken tobacco.
Maipalagip a sumagmamano a pagilian ti nangipasa ti linteg para iti pannakaipawil kadagiti agtutubo nga agusar ti social media.
Daytoy ket pakairamanan iti Denmark, Greece, Spain ken Ireland.
