LAOAG CITY – Inlawlawag ti maysa a menor de edad a lalaki nga agtawen ti 13 iti Brgy. 33-A Lapaz ditoy siudad ti Laoag ti maipagarup a pannakadangran na babaen iti maysa a lalaki.
Daytoy ket gapu iti awanan ti pammaneknek nga akusasyon a nagsirip.
Iti eklusibo nga innuman ti Bombo Radyo Laoag iti menor de edad, inbunannag na a sakbay a nagturong iti garahe nga isu ti pagturturugan na iti tunggal rabii ket immisbo iti ruar.
Nu pay kasta, inbatad na a bayat nga umis-isbo ket kellaat nga adda ti nakakita a karruba da wenno ti agnagan ti Rina ken dita nga inakusaran na daytoy nga agsirsirip.
Gapu iti daytoy, kuna nga apaman a nakaisbo ket dagus a pimmanaw iti lugar ken napan iti garahe.
Kabayatanna, inpakaammo ti menor de edad a bayat ti kaadda na iti grahe ket kellaat a dinanon ti agnagan ti Junjun Asuncion kageddan ti panangtulpak na iti naminpat a daras ken maipagarup nga inkugtar na pay daytoy.
Innayun na a namagsasao-an pay ni Junjun ken ginandat na a bakalen ti bote ngem nakataray.
Immunan nga inpeksa ti ina ti menor de edad a ni Mrs. Prima Asuncion ti sakit ti nakem na gapu iti pannakadangran ti anakna iti akusasyon a nga awan met ti pammaneknek.
Inbunannag na a maysa pay a kaluksaw na ket immun-una pay a nagkamang iti PNP ti nakadangran iti anakna ngem isuda a biktima.
Immuna iti daytoy, inpakaammo ti ina nga Asuncion nga addan ti dati a riri ti pamilyada ken ti pamilya ti ti nakadangran iti anakna.
Kabayatanna, naamoan a ni Junjun a maitudtudo a suspek iti nasao a panangdangran ket maysa a kameng ti Civil Secuirty Unit iti city hall ditoy siudad ken naglikudan na met ti alegasyon kontra kenkuana.
Manamnama nga agsasarita ti dua a partido intuno Domingo, Setiembre 5.
