LAOAG CITY – Naputokan ti maysa a menor de edad nga agtawen ti walo babaen ti kwitis iti Brgy. Peralta iti ili ti Dingras.
Ti menor de edad ket Grade 2 pupil iti Suyo Emelentary School ken residente iti nasao a barangay.
Immuna iti daytoy, nakaawat ti PNP Dingras ti tawag manipud iti Dingras District Hospital mainaig ti nasao a pasamak.
Iti imbestigasyon, agarup 12:25 itay parbangon a bayat nga agselselebrar ti pamilya ti biktima iti garahe ti pagtaengan da ket kelaat nga adda iti napan a kwitis iti lugar da manipud iti ruwar ken pimmutok.
Nasugatan ti kannawan a gurong ti ubing ken dagus a naitaray iti nasao nga ospital ken dagus met laeng a rimwar iti ospital.
