LAOAG CITY – Nagballigi ti nagtipon a pwersa iti PNP-Laoag ken PNP-Vintar ti inyuswat da a drug buy-bust operation idiay Barangay 1, Vintar, Ilocos Norte.
Nabigbig ti suspek a ni alyas Anton, agtawen iti 17, grade 12 student ken residente ti nasao a barangay.
Naala iti ikot ti suspek ti maysa a sachet a naglaon ti maipagarop a shabu nga agbalor iti sangaribo a pisos.
Naamoan a ti suspek ket karaman kadagiti menor de edad nga immunan a natiliwan ditoy ciudad ti Laoag gapu met laeng iti nasao a kaso.
Nupay kasta, iti pananginterview iti Bombo Radyo ken ni alyas Anton ket inadmitir na nga agus-usar idi ti marijuana ngem naglikudan na nga aglaklako ti shabu ken marijuana.
Iti agdama, maisagsaganan ti kaso a maipila kontra ken ni alyas Anton.
