LAOAG CITY – Natiliw ti maysa a lalaki kalpasan ti maipagarop a panangrames na ti step-daughter na idiay Pasuquin, Ilocos Norte.
Daytoy ti kinumpirmaran ni Police Chief Inspector Grandio Tangonan, ti chief of police ti nasao nga ili.
Binigbig na ti suspek a ni alyas Berto, agtawen ti 38 ken residente met laeng iti ili a Pasuquin.
Segun kenni Tangonan, napan nakiturog ti biktima iti balay ti uliteg na idi rabii ti Hulyo 1 ken bayat a matmaturog ket napan ti suspek ket ditoy a maipagarop a ginundawayan na.
Naamoan a bayat nga ar-aramiden ti suspek ti panangrames ket nakariing ti biktima ngem inappot na bibig ti ubing.
Aglibas kuman ti suspek ngem aksidente a nadalapos na ti electric fun ket ditoy a nakariing ti kasinsin ti biktima.
Rumrumuar a daytoyen ti maikadwa a gundaway a rinames ti suspek ti biktima no sadinno nga iti immuna ket idi 2016.
Iti agdama ket maisagsaganan ti kaso a maipila kontra iti nasao a suspek.
