LAOAG CITY – Inbatad ni Police Lt. Tolentino Erum, ti chief of police ti PNP-Piddig nga iti Barangay Estancia iti nasao nga ili ti nakatiliwan da ti menor de edad a naglibas iti Bahay Pag-asa iti Barangay 48-A, Cabungaan ditoy ciudad ti Laoag.
Segun kenni Erum, kalpasan nga inpakammo ti PNP-Laoag kadakuada nga adda ti nakalibas iti Bahay Pag-asa ket dagus da met a nakikoordenar iti Barangay Estancia nga isu ti nakakumpirmaran da nga adda iti nasao a lugar ti agtawen ti 17 a lalaki.
Inlawlawag na a saan da pay a masinunuo no apay nga adda idiay Barangay Estancia ti menor de edad ngem posible nga agbirbirok ti pagtalinaedan na.
Kunana a basar iti pannakisarsarita da iti menor de edad, kalpasan a naglibas ket nakadanon pay iti ili ti Dingras sakbay a nagturong iti ili ti Piddig a nakalugan ti bisikleta.
Iti agdama, kuna ni Erum a makikokoordenar da iti pamilya ti meno de edad ken tapno maamoan no nakaalaan daytoy ti inusar na a bisikleta.
Kabayatanna, inbatad na nga intono madanon ti menor de edad ti tawen na a 18 ket posible a maukag dagiti naipila a reklamo kontra kenkuana ngem agdependen to iti desisyon ti korte.
Maipalagip a ti nasao a menor de edad ket natiliw iti nayuswat a buy bust operation, kasta pay iti carnapping ken panagtatakaw.
