LAOAG CITY – Nagtalinaed iti Intensive Care Unit iti Mariano Memorial Hospital and Medical Center iti ciudad ti Batac ti menor de edad kalpasan ti napasamak a desgrasya iti Barangay Baduang, Pagudpud, Ilocos Norte.
Ti nasao a menor de edad ket residente iti Barangay Caunayan iti nasao nga ili ken ti kinadinnungpar na ket ti Toyota Hi Lux nga inturong ni Mr. Leandro Domingo Casil, adda iti umno a tawen ken residente iti Barangay 2, Pagudpud.
Iti imbestigasyon ti Philippine National Police iti ili ti Pagudpud, agpaabatan ti menor de edad a nakalugan ti mootrosiklo idi kellaat a nagpakannigid rason a naidungpar iti agpaamyanan ti Hi Lux.
Kalpasan a naidungpar iti Hi Lux ket naipasirok ti motorsiklo na iti Florida Bus nga inturong met ni Joefrey Pacris Tabora, ken residente iti Brgy. Callungan, Sanchez, Mira, Cagayan.
Kas resulta, nagsagaba ti menor de edad ti sugat iti nagduduma a paset ti bagi na ken dagus a naitaray iti Bangui District Hospital ngm naiyakar iti Mariano Memorial Hospital and Medical Center iti ciudad ti Batac para iti naan-anay a pannakataming na.
Iti agdama, ti driver ti Hi Lux ket nagtalinaed iti kustudiyar ti Philippine National Police iti ili ti Pagudpud bayat nga agtultuloy ti imbestigasyon.
