LAOAG CITY – Napusi ti sumagmamano a ngipen ti maysa a menor de edad kalpasan a nadesgrasya ti inturong na a motorsiklo idiay Barangay Hilario, Banna, Ilocos Norte.
Daytoy ti kinumpirmaran ni Police Chief Inspector Artemio Clemente, ti chief of police iti ili a Banna.
Inbatad na a segun ti imbestigasyon da, napukawan ti kontrol iti inturong a motorsiklo ti agtawen ti 15 a biktima.
Dagus met a nagresponde dagiti kameng ti pulisya ken naikabil ti biktima iti Rural Health Unit (RHU) ti nasao nga ili.
Nupay kasta, tapno masigurado nga awan ti nakana a pinasar ti biktima ket naipakita iti Mariano Marcos Memorial Hospital and Medical Center iti ciudad ti Batac.
Rumrumuar a ti nasao a biktima ket nakainom ti nasanger idi mapasamak ti insidente.
