LAOAG CITY – Nasugatan ti agtawen ti innem a lalaki iti gabion wire kalpasan a natennag iti dike iti Barangay Manalpac iti ili ti Solsona.
Segun kenni Police Captain Chris Anthony Sorsano, chief of police ti PNP-Solsona, naamoan na iti kapitan ti barangay a naigalis ti menor de edad.
Rumrumwar a ti ubing ket agay-ayam iti dike ken aksidente a naigalis ken naitudok ti gabion wire iti babaen ti likod na.
Dagus met a nagresponde dagiti pannakabagi ti Bureau of Fire Protection (BFP) iti ili ti Solsona ken kalpasan a naikkat da ti ubing manipud iti gabion wire ket inkabil da iti Rural Health Unit (RHU).
Iti agdama ket agpapalaingen ti biktima iti balay da ken adda iti nasayaat a kondisyon.
Kabayatanna, inbatad ni Sorsano a kitaen a naimbag dagiti menor de edad ken masapol a saan a rumwar kas panangsurot iti protocol.
