LAOAG CITY – Nasugatan ti maysa a menor de edad a babai kalpasan a natamaan ti kwitis idiay Barangay San Mateo iti ciudad ti Batac.
Segun kenni Mario Lascano, uliteg ti biktima, nagsindi ti kwitis ngem nagbaliw ti direksyon isut gapuna a natamaan ti kaanakan na.
Gapo iti daytoy, nauram ti akin-kannigid a rupa na a rason a lumlumteg ti mata na.
Dagus met a naitaray ti nasao a menor de edad iti Mariano Marcos Memorial Hospital and Medical Center idiay ciudad ti Batac.
Immunan nga inbatad ni Lascano nga inay-ayam ti kaanakan na ti kwitis ngem binaliwan na ti inrakuak na ken inadmitir na a daytoy ti mismo a nangsindi ti kwitis ngem nagbaliw laeng ti direksyon na a nakatamaan ti kaanakan na.
