LAOAG CITY – Natay ti barito nga agtawen ti 16 kalpasan a nagbekkel iti Brgy. Imelda iti ili ti Marcos.
Segun kenni Police Capt. Jonvale Maramag, hepe ti PNP Marcos, basar iti imbestigasyon, awan ti ammo da a rason a nagpakamatay ti barito idi Marso 21, 2020.
Kuna na nga awan met iti problema na ken awan pay ti nobya ti barito ngem adda ti narekobre da a botelya ti arak iti lugar a nagbekkelan ti biktima.
Inbatad ni Maramag nga adda dagiti bayadan ti barito ken nakumpiskar ti motorsiklo na iti ili ti Sarrat iti kallabes.
Segun kenni Maramag, awan met iti foul play ti pannakatay ti biktima ken naamuan da agmaymaysa daytoy no dadduma.
Mamati ti hepe a babaen ti panagmaymaysa na iti sumagmamano a gundaway ket possible nangpakaro ti depresyon na.
Nagaramat ti barito ti tali a maus-usar para iti kalding a pinagbekkel na iti uneg ti dati a pagtaengan da.
