LAOAG CITY – Natay ti ubing a lalaki nga agtawen ti 11 kalpasan a nalmes iti water impounding hole iti Brgy. Sta. Cruz Sur iti ili ti Badoc.
Basar iti impormasyon manipod iti PNP Badoc, rimwar ti biktima iti pagtaengan da iti agarup alas-sais ti bigat idi kalman, Hunyo 14, ngem saan a nagsubli iti pagtaengan da.
Gaput iti daytoy, nagbalaw ni Fernando Ubando y Apostol, ama ti biktima, a saan pay a nagsubli ti anak na tapno mammigat.
Sinapul ni Ubando ti anak na agingga a nakita na ti tsinelas ti anak na, 30 a metro ti kaadayo na manipud iti water impounding hole.
Nagkiddaw ti tulong ni Ubando kadagiti karruba na agingga a naalaw da ti bangkay ti biktima iti nasao a pagdadanuman iti agarup alas-tres ti malem na.
Ideklara ti Municipal Health Officer a pimmusay ti biktima gapu iti asphixia secondary to drowning.
