LAOAG CITY – Kinumpirmaran ni Barangay Chairman Anghel Battulayan iti Barangay Camguidan idiay ciudad ti Batac ti panagpakamatay ti maysa a menor de edad nga agtawen ti 12.
Segun kenni Battulayan, inusar ti Grade 6 pupil a biktima ti kawar ti taraken na nga aso ken inbitin na ti bagbagi na iti puun ti kayo nga adda iti likod ti balay da.
Inlawlawag na a burburtiya para kadakuada no apay a naaramid ti nasao nga ubing ti nagbekkel gapo ta awan met ti ammo da a sagsagabaen na a sakit wenno anyaman a rason.
Indiskribir na ti biktima a nasingpet ken naulimek laeng nga ubing.
Naamoan a ti biktima ket kaliplippas ti panagkasangay na idi Pebrero 2.
Mainaig iti daytoy, kunana nga awan ti ammo na a problema ti ubing iti pamilya na gapo ta maibilang met a nasingpet ti ama ti biktima ken saan a mammartek.
