LAOAG CITY – Balligi ti naiyuswat a drug buy bust operation babaen kadagiti kameng ti PNP-Batac kontra iti maysa a menor de edad.
Ti nasao a menor de edad ket agtawen ti 16, ay-aywanan ti kabagyan na ken residente iti Barangay Tabug iti nasao a ciudad.
Nakumpiskar dagiti otoridad ti dua a sachet a naglaon ti maipagarop a shabu, maysa a sachet a nailako na iti nagpammarang a police pusuer buyer, 500 a pisos a buy bust money ken maysa a kurong-kurong.
Segun kenni Barangay Chairman Arnold Alibuyog iti Barangay Tabug, man-mano laeng makita ti menor de edad iti lugar da isut gapo na a saan da a maibaga no anya ti trabaho wenno kinatao ti maseknan.
Inbatad ni Police Chief Inspector Rodelio Santos, hepe ti PNP-Batac a maysa a “runner” ti droga ti subject ken adda iti drug watchlist ti PNP-Batac.
Kunana nga addan ti ummuna a rekord ti ubing mainaig iti panagtatakaw iti nasao met laeng a lugar saan laeng nga ita a tawen no diket iti naglabas pay a tawtawen.
Innayon na a sipud pay idi ket probleman ti nasao a barangay ti nasao a menor de edad.
