LAOAG CITY – Ad-adalen ti PNP-Pasuquin no pilaanda ti kaso ti menor ded edad a suspek iti panagtatakaw iti box ti maysa a nakaparking a motorsiklo iti paset ti Bgy. 4 ti nasao nga ili.
Inlinged ti Pnp Pasuquin ti suspek iti nagan a Boy, agtawen iti 16, grade 10 iti INAC ken residene met laeng iti nasao a barangay.
Nabigbig met ti biktima a ni George Aguite y Bayagan Jr, agtawen iti 26 naasawaan ken residente iti nasao a barangay.
Segun iti PNP-Pasuquin, adda iti nangitudo iti suspek a nangpwersar iti box ti motorsiklo ti biktima a nakakitaaan na ti kuwarta nga agdagup iti 55 a ribo a pisos ken innala na.
Kuna da nga idi makita da ti suspek ket insigida a tiniliw da a no sadinno nga adda pay laeng kenkuana ti kuwarta ngem 30 a ribo pisos laengen ti nabati.
Maipalagip a nakaparking ti motorsiklo ti biktima iti sannguanan ti paagtaengan da idi mapasamak ti nasao nga insidente.
Iti agdama, addan iti kustodyar ti DSWD ti nasao a suspek.
