LAOAG CITY – Natukkol ti saka ti menor de edad kalpasan a nadungpar ti nagluganan na a motorsiklo babaen ti maysa nga SUV iti bypass road, Brgy. 57 Pila ditoy siudad ti Laoag.
Ti menor de edad ket agtawen ti 11 ken residente ti brgy 62-B ditoy siudad ti Laoag.
Segun ti PNP traffic division, bayat ti agpadaya ti direksyon ti motorsiklo nga inturong ni Aldrin Unciano, agtawen ti 26, residente ti Brgy. 8 Vintar ken ti nakalubbon ti menor de edad ket dita a nadungpar ti SUV nga agpaamianan nga inturong ni Jaylord Sumalabe, agtawen ti 33, residente ti Brgy Allacapan Cagayan.
Gapu iti daytoy, nasugatan ni Unciano idinto na natukkol ti saka ti menor de edad.
Agtultuloy ti imbestigasyon ti PNP traffic division kalpasan ti aksidente.
