LAOAG CITY – Nakikoordinar dagiti kameng ti San Jose City Police Station, idiay Nueva Ecija iti Solsona Municipal Police Station tapno iyapekto da ti warrant of arrest kontra iti maysa nga akusado nga aglemlemmeng iti nasao nga ili.
Nabigbig ti akusado a ni Daniel Pelayo y Lapuz a.k.a. Daniel San Miguel, agtawen ti 17, out of school youth, ken residente ti Mc Arthur Highway, Brgy. Karuhatan, Valenzuela City.
Naarestar daytoy iti paset ti Brgy. Maananteng, Solsona, Ilocos Norte babaen ti bileg ti Warrant of Arrest napetsaan ti March 1, 2018 nga inparuk-at ni Hon. Judge Leo Cecilio D Bautista, ti RTC Br. 38, San Jose City, Nueva Ecija.
Daytoy ket gapu iti panagsalungasing ti Sec. 2 in Relation to Sec. 14 ti RA 6539 (Carnapping).
Nairekumendar ti One Hundred Eighty Thousand Pesos (Php180, 000.00) para iti temporaryo a pannakawaywaya na.
Inisgida a naitunda ti akusado iti RHU ti ili a Solsona para iti medical examination kalpasan na ket maitunda iti cuerpo ti pulisya ti nasao nga ili para iti dokumentasyon ken umiso a disposisyon.
