LAOAG CITY – Isagsaganan ti PNP-San Nicolas ti kaso a panagtatakaw kontra iti maysa a menor de edad a simrek ken natagtakaw iti pagtaengan ti agnagan iti Mary Grace Caliva agtawen ti 33 mnaasawaan ken residente ti Brgy. 16, San Marcos, ti nasao nga ili.
Segun ti nasao a cuerpo ti pulisya, iti laksid a naipaiman ti suspek iti Social Welfare Office ti nasao nga ili gapu ta menor de edad ket aramiden da latta ti anungen da.
Kuna da ket nangnangruna ket nabigbig a mismo ti biktima ti kinasiasino ti suspek.
Maipalagip a nariing ti biktima iti karasakas a pinarnuay ti suspek nga agtawen ti 17 ken kabarangayan da bayat nga addan iti uneg ti kuwarto ti biktima ket idi mapan na kitaen a ti amo na ket asawana a naladaw a nagawid ngem saan gayam.
Naitaray ti suspek ti 150 a pisos manipud iti wallet ti biktima a nakaparabaw iti cabinet ti kuwarto da.
Rumrumuar nga inusar ti suspek a nagnaan ken nagruaran ti saan a nakaserra nga sliding window iti kuwaro ti biktima gapu ta iti living room tio nagedaaan na idi mapasamak ti nasao a panagtatakaw.
