LAOAG CITY – Nakatutuk ti atensiyon ni Philippine Men’s National Football Team coach Albert Capellas iti panangbukel kadagti naal-alibtak nga umaayam iti pagilian.
Iti nasurok a dua a lawas kas baro nga head coach ni Capellas ket ad-adalen na dagiti posibilidad a maaddaan ti nayun nga umaayam.
Kuna na nga agtultuloy pay ti ar-aramiden da a panagensayo ken ti pannakaipatungpal dagiti exhibition game iti nagduduma a college football ti pagilian.
Maipalagip a naisukat ti agtawen ti 56 nga Spanish coach ken ni Tom Saintfiet a bimmaba iti puwesto idi Agosto ita a tawen kalpasan ti pannakisalip ti men’s football team ti pagilian iti Merdeka Cup idiay Malaysia.
Ni Capellas ket Spanish UEFA Pro License Coach nga addaanen ti 33 a tawen a coaching experience karaman ti panagbalin na a coach ti FC Barcelona.
