LAOAG CITY – Nagleppas laeng iti maikapat a puesto ti Philippine Men’s National Football Team iti 2024 Merdeka Cup.
Daytoy ket kalpasan ti pannakaabakda gapu iti penalty shootout kontra iti Tajikistan.
Dimmanon laeng iti 0-0 iti regulations ti Filipino strikers kontra iti world-ranked 103.
Nupay kasta, gapu ken ni Alisher Shukorov ket nakairekordda ti 4-3 a panangabak para iti Tajiks iti shootout.
Naammoan a nupay napaay ti nasao a grupo ket nagtalinaed a sinaludaran ni Flipino goalkeeper Kevin Mendoza kadagiti kakaduana gapu ta naipakita dagiti playing style-da.
Kabayatanna, sumaruno a sumabak ti koponan iti King’s Cup idiay Thailand manipud iti Oktubre 7 agingga inton 15.
