LAOAG CITY – Naipan iti lockdown ken containment iti Laoag City Public Market and Commercial Complex gapu iti panagnagto ti bilang dagiti market vendors a positibo iti covid-19.
Basar iti pinirmaan nga Executive Order No. MMK – 076 series of 2020 ni Mayor Michael Marcos Keon ditoy siudad, amin nga entrance ken exit points ti merkado publikoket mairikep ken awan a pulos ti mapalubusan a sumrek malaksid kadagiti health workers, PNP personnel ken agserserbi iti lokal a gobierno ti Laoag a mangmonitor iti nasao a tiendaan.
Maipalagip nga immunan a nailockdown merkado publiko iti tallo nga aldaw para iti disinfection.
Nu pay kasta, gapu kadagiti pito a nainayun a nagpositibo iti covid-19 nga agpapay iti nasao a merkado publiko ket nairekomendar ti pannakailockdown na nga isu met ti inaprubaran ti mayor.
Kabayatanna, manamnama nga agngudo ti lockdown intuno Disyembre 5 ngem nakadepende nu maiyaludod daytoy.
Maipalagip nga immunan a nailockdown ti merkado iti uneg ti tallo nga aldaw para iti disinfection.
