LAOAG CITY – Mangipaay ti metal detector ti lokal a gobierno iti ili ti Nueva Era kadagiti nagduduma a pagadalan ti nasao nga ili, basar ken ni Mayor Aldrin Garvida.
Daytoy ket kalpsan ti panagkiddaw dagiti mangisursuro ken nagbalin a suhestion ti Philippine National Police gapu kadagiti napasamak nga insidente kadagiti nagduduma a pagdalan ditoy pagilian.
Inpakaamo ni Garvida a gumatang da ti 2 metal detectors iti tunggal pagadalan.
Innayonna a maiprioridad dagiti 4 a secondary schools iti ili gapu ta naidumduma a panag-ugali nakem dagiti estudiante.
Malaksid iti daytoy, kalikagom pay a paigetan ti Local Government Unit (LGU) ti pananagbaybay kadagiti pagadalan.
Kunana nga addan ti umuna a pannakikoordinarda kadagiti opisiales ti barangay tapno madutokan dagiti barangay tanod nga agbantay kadagiti gates manipud iti alas-8 ti bigat agingga ti alas-5 ti malem.
Inpasiguradona a bisitaenda daytoy para iti agtultuloy a panangimplementar kadaytoy.
