LAOAG CITY – Nakairekord ti 38.8°C a temperatura ti Ninoy Aquino International Airport idiay Pasay City idi kalman Sabado, Abril 27.
Daytoy ket maibilang a kangatoan a recorded temperature idiay Metro Manila.
Daytoy ket nangatngato iti nairekord a 38.6°C a temperatura idi Mayo 17, 1915 iti Port Area, Manila ken May 29, 2021 iti kapada a lugar idiay Pasay City.
Kabayatanna, kadagiti naglabas a lawas ket agtultuloy a mapaspasaran ti danger level ti heat index iti sumagmamano a paset ti pagilian a nangitunda ti pannakakanselar ti face-to-face classes kadagiti sumagmamano nga ili ken probinsia nga apektado ti nabara a panawen kagiddan ti El Nino phenomenon.
