LAOAG CITY – Inbatad ni Mexico President Claudia Sheinbaum nga agpila ti reklamo kontra iti maysa a lalaki a nangbastos kenkuana kabayatan ti pannakisarita na iti publiko.
Kabayatan ti pannakisarita ti presidente kadagiti supporters na iti kalsada iti asideg ti National Palace iti Mexico City ket immasideg ti lalaki manipod iti likudna ken ginandat na nga agkan ti tengnged na ken inyarkosna pay ti imana iti bagi ni Sheinbaum.
Dagus a dimmistansya ni Presidente Sheinbaum iti lalaki ken nakiballaat nga insigida ti bodyguard na.
Inarestar met a dagus dagiti otoridad ti lalaki.
Inpetteng ti presidente a no saan nga agpila ti kaso ket possible a mapasamak met iti sabali a babai idiay Mexico ti napasamak kenkuana.
Innayon na a no naaramid a mismo kenkuana a presidente daytoy ket ad adda manen kadagiti ordinaryo nga umili, partikular kadagiti babbai.
