LAOAG CITY – Indeklara ni Gov. Matthew Marcos Manotoc ti Modified General Community Quarantine ditoy siudad iti Laoag ita nga aldaw.
Daytoy ket kalpasan a nadeterminar ti Department of Health a nababan ti Average Daily Attack ken ti 2-week growth rate.
Iti Executive Order No. 108-20 ni Gov. Manotoc nga inparuk-at na itay malem, immabot iti 2.8 Average Growth Rate a maikonsiderar a medium idinto a ti 2-week growth rate ket -71.7 a maibilang a nababa daytoy.
Babaen kadagiti nasao a rating, maibilang a ti siudad ti Laoag ket rumbeng a maipan iti MGCQ rason nga indeklara ni Manotoc epektibo ita nga aldaw.
Kabayatanna, maipatungpal manen dagiti nakaipalaon iti Executive Order No. 100-20 para iti siudad ti Laoag no sadinno nga immunan a naipatungpal daytoy para iti probinsya.
