LAOAG CITY – Indauluan ti Brent International School-Manila standout a ni Micaela Jasmine Mojdeh ti kampania ti Team Philippines iti swimming competition iti maika-13 nga ASEAN Schools Games a naangay idiay Da Nang, Vietnam.
Nakisalip ni World Junior Championship semifinalist Mojdeh iti uppat nga indibidual events, no sadinno a panggepna a lab-awan ti dua a bronze medals-na iti 2019 edition idiay Semarang, Indonesia.
Maipalagip a nangabak iti bronze medal ni Mojdeh idiay Indonesia idi 2019 iti 100 meters butterfly ken 200 meters butterfly.
Iti daytoy a tawen, panggep ni Mojdeh ti mangabak iti balitok iti 100 meters butterfly ken 200 meters butterfly kasta met iti 400 meters Individual Medley ken 200 meters Individual Medley.
Kabayatanna, karaman pay ni Mojdeh kadagiti relay teams a nangpadas met a mangabak iti medalya.
