LAOAG CITY – Nakagun-od ti dua a silver medals ni Micaela Jasmine Mojdeh iti 46th Southeast Asian Age Group Swimming Championships a naisayangkat idiay Bangkok, Thailand.
Iti maudi nga aldaw ti kompetision ket nakaala pay ti maysa a silver medal ti Behrouz Elite Swimming Team standout ken maikadua daytoy iti girls’ 16-18 200m butterfly.
Nairekord ni Mojdeh ti dua a minuto ken 21.43 a segundo tapno masigurado a magun-odna ti silver medal idinto nga indauloan ni Thi Thuy Trang Le ti Vietnam nga addaan ti 2:18.55.
Maikatlo iti puesto ni Thitirat Charoensup ti Thailand nga addaan ti 2:26.22.
Immunan a nakagun-od ti silver medal ni Mojdeh iti 100m butterfly event nga addaan ti 01:3.40.
