LAOAG CITY – Nakagun-od ni World Cup finalist Micaela Jasmine Mojdeh ti silver medal iti 46th Southeast Asian Age Group Swimming Championships a maisaysayangkat iti Assumption University Suvarnabhumi Campus swimming pool idiay Bangkok, Thailand.
Dandani pay a naala ni Mojdeh ti balitok a medalya ngem nakurangan laeng daytoy iti katengngaan ti laban iti 16-18 100m butterfly event.
Nairekord ni Mojdeh ti maysa a minuto ken 3.40 a segundo idinto a nakagun-od met ti gold medal winner a ni Thitiphon Kertsriphan ti host country a Thailand nga addaan ti 1:03.39 a naisubmitir.
