LAOAG CITY – Sinerreken ni Michelle Marquez Dee ti industria ti musika kalpasan ti balligi iti benneg ti pageant.
Ti beauty queen ken aktres ket opisial nga inrubuat ti debut single-na a “Reyna,” iti babaen ti Star Music kas Original Pilipino Music (OPM).
Inbatad ni Michelle ti musika ket dakkel a paset iti career-na isu a magagaran daytoy a magun-od ti balligi iti musika.
Saan met maliklikan dagiti sumagmamano a fans nga am-ammo ni Michelle kas elegante kadagiti pannakipasetna iti pageant gapu ta ti ipagarup dagiti daduma ket maysa a ballad ti kanta ti beauty queen ngem pinili ti dance-pop genre ni Michelle.
Ita a pormalen a paset iti industria ti musika ni Michelle, saan a mabuteng isuna nga agarapaap ti dakkel maipapan iti posible a pannaki-kolabna iti sikat a Pinoy P-POP girl group a BINI.
