LAOAG CITY – Nakoronaan kas baro a Miss Universe Philippines ni Makati City candidate Michelle Marquez Dee iti kalepleppas a grand coronation a naiyuswat iti SM Mall of Asia Arena.
Immuna a napili dagiti Top 5 finalists manipod kadagiti 18 a kandidate a simrek iti semi final round ti koronasyon.
Karaman kadagiti lima ket ti pambato ti Baguio a ni Krishnah Marie Gravidez, Angelique Manto iti Pampanga, Pauline Amelinckx iti Bohol, Christine Opiaza iti Zambales ken ni Michelle.
Naiyuswat ti dua a serye ti question and answer portion kadagiti nasao a kandidata nu sadino a ti umuna a saludsod kadagitoy ket naggapo kadagiti judges.
Kabayatanna, ti pinal a salusod kagiti kandidat ket maymaysa ken daytoy ket nu ania ti takder ken maidiaya da iti intero a lubong kalpasan nga adda ti baro a branding campaign ti Department of Tourism a naawagan iti “We give the world our best.’
Agpapada a nakasungbat dagiti lima a finalists ngem ad-adda nga immangat ken pimmabor kadagiti judges iti nagbalin a sungbat ni Michelle Dee nu sadino a ti sungbat na ket: “Philippines is home for very beautiful natural resources. From the beaches, the mountains, but I firmly believe that the best natural resource that the Philippines has is us Filipinos. We are the true heart and soul of the Philippines. With the way we are hospitable with the warm smiles, and we are the reason why the world keeps coming back for more. No matter where the universe takes me, I will always be proud to call the Philippines my home. And no matter what happens, I will always be proud to call myself Pinoy. Thank you.”
Malaksid iti pannakaiyawid ni Michelle ti korona ken manamnam nga irepresentar na ti pagilian iti Miss Universe Pageant ita a tawen ket naala ni Miss Pampanga Angelique Manto ti 2nd runner-up idinto a 1st runner-up ni Christine Opiaza iti Zambales.
Kabayatanna, ni Miss Krishnah Marie Gravidez iti Baguio ken ni Pauline Amelinckx iti Bohol ket manamnama a maikkan ti award iti sabali a gundaway.
